البرامج الجديده والاخبار الرياضية الجديدة واخر النكت والالعاب وقسم خاص للحب والرومانسية
 
الرئيسيةمكتبة الصورالتسجيلدخول

شاطر | 
 

 قواعد قيادة السيارات في مصــــــــــــــر, اقرأها عشان تاخد الرخصة بسرعة

اذهب الى الأسفل 
كاتب الموضوعرسالة
morsy
**مشرف قسم الاذكياء**
**مشرف قسم الاذكياء**


ذكر
عدد الرسائل : 20
العمر : 29
sms : مشرف قسم الأذكياء
علم الدولة :
تاريخ التسجيل : 09/08/2008

مُساهمةموضوع: قواعد قيادة السيارات في مصــــــــــــــر, اقرأها عشان تاخد الرخصة بسرعة   الأحد أغسطس 10, 2008 2:22 pm

بسم الله الرحمن الرحيم

القاعدة الأولى:

لو عربيتك كبيرة أو قديمة، استخدم المبدأ القانوني: اللي خايف على عربيته يوسع !!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه !!
-------------------------------

القاعده الثانيه :

قاعدة البوز بيز: اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز

ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة

-------------------------------

القاعدة الثالثة:

الإشارات تكشف نواياك للأعداء، أياك أن تستخدمها

-------------------------------

القاعدة الرابعة:

- لا تترك مسافة للأمان بينك و بين السيارة التي أمامك فهذا له عدة مخاطر:

عربية ثانية حتملا الفراغ في ثواني و برضه ما يبقاش فيه مسافة بينك و بين اللي قدامك، كل الي كسبته انك اتأخرت لورا شوية

حتدي فرصة للعيال يعملوا غرز قدامك

كل المشاة حيغمضوا عينيهم و يعدوا من الحته دي

الي وراك حيقعد يزمر - لو كان مؤدب أو تسمع شوية أسامي حيوانات لو كان سواق تاكس - مؤدب
أو حيخبطك من ورا لو كان سواق ميكروباص - و دول مفيش حد منهم مؤدب

- الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

- اعتمد على العساكر (مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري) [size="5"]أو يفضل أن تستعمل البوز بيز (راجع القاعدة الثانية).

-------------------------------

القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

-------------------------------

القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

-------------------------------

القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

-------------------------------

القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

-------------------------------

القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدرانا فليل الادبون شمال و اطلع، أي حد ماشي في الشارع لازم يقف لك فوراً، راجع البند السابق.

-------------------------------

القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games فاكرين إن ممكن يكسبوا زيادة Life لو ساقوا أسرع.

2. موتوسيكلات توصيل الطلبات (Home Delivery).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط . فاهمني !!.

-------------------------------

القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحاجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

-------------------------------

القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.

-------------------------------

القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك (علشان يحرم يعمل غرز).

-------------------------------

القاعدة الرابعة عشر:

من حقك أن تعبر الشارع في أي وقت و من أي مكان.

-------------------------------

القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟

-------------------------------

القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

-------------------------------

القاعدة السابعة عشر:

حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

عرض قفاك و سيبه يتفلق.

-------------------------------

القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائلين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
assem591
مشرف منتدى الصور
مشرف منتدى الصور
avatar

ذكر
عدد الرسائل : 31
العمر : 28
sms :


وسام شرفي
المشرف العام لمنتديات الصور


علم الدولة :
تاريخ التسجيل : 08/08/2008

مُساهمةموضوع: رد: قواعد قيادة السيارات في مصــــــــــــــر, اقرأها عشان تاخد الرخصة بسرعة   الأربعاء أغسطس 20, 2008 2:42 am

ههههههههههههههه .. شكرا مرسي باشا ع موضوعك

والغريب في الموضوع كمان انهم عملوا السن القانوني للرخصة21
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://el-rwsh.yoo7.com/
 
قواعد قيادة السيارات في مصــــــــــــــر, اقرأها عشان تاخد الرخصة بسرعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الروش :: منتدى الكورة :: منتدى النادى الاهلى-
انتقل الى: